Iniciativa e të Rinjve për të Drejtat e Njeriut (YIHR) ka kërkuar sqarim nga Ministria e Brendshme e Kroacisë, se me cilin urdhër dhe në përputhje me cilin legjislacion ka filluar hetim të Iniciativës nga ana e policisë kriminale.

Ambasada e parë e fëmijëve në botë Megjashi kërkoi nga organet kompetente sanksione më të rrepta të mundshme për njeriun nga Velesi i dyshuar për përdhunimin e tre vajzave të tij dhe të mos lejojnë që fëmijët të kthehen në familje, duke pasur parasysh rrezikun për ndryshimin e deklaratave të tyre nën presionin e të afërmve dhe mos kuptimin e duhur të situatës në të cilën gjenden.

Kampanja "Na zbuloni kryeministrin!" është kampanjë nëpërmjet të cilës qytetarët dhe shoqëria civile në BeH kërkojnë nga subjektet politike që marrin pjesë në zgjedhjet e 2010 në BeH, që nëpërmes prezantimit të kandidatëve për pushtetin ekzekutiv të tregojnë qëllimet serioze për udhëheqjen e shtetit në mandatin e ardhshëm.

Pas skandalit me arrestimin e aktivistëve të Pravo na Grad, Zelena Akcija dhe qytetarëve të cilët qëndruan në mbrojtje pasive të zonës së këmbësorëve në Rrugën Varshavska nga planet e HOTO Grupit për ndërtimin e hyrjes në garazhin nëntokësor për projektin "Cvjetni" ,të premten me 16 korrik, ora 18:00, u mbajt protestë në sheshin Ibler në Zagreb. Ursha Raukar, Tomisllav Tomasheviq, Vili Matula dhe Mario Kovaç ishin në mesin e njerëzve që iu drejtuan qytetarëve, disa prej tyre mbanin shirita ngjyrë vjollcë rreth duarve të tyre, si shenjë se ishin ndaluar nga policia të hyjnë në rrugën Varshavska.

Të pakënaqur me punën e Bashkisë së Zagrebit për rastin "Cvjetni", qytetarë dhe aktivistë të Zelena Akcija(Aksioni i gjelbërt) dhe Pravo na Grad (E drejta e qytetit) kanë bllokuar hyrjen e vjetër të sallës së qytetit. Tomislav Tomasheviq nga Zelena Akcija thotë se protestuesit ishin të frustruar "me faktin se Bashkia ska bërë asgjë prej se Prokuroria ka paraqiti qëndrimet e saja për parregullsi në procedurat që i kanë parapri dhënies së lejes për ndërtim në sheshin Cvjetni".

Më 8 korrik, Qeveria e Serbisë ka miratuar Strategjinë për zhvillimin dhe promovim të operacioneve të përgjegjshme të biznesit shoqëror 2010-2015. Ministria e Punës dhe Politikës Sociale pret që dokumenti do të mundësojë funksionim cilësorë të biznesit përgjegjshëm shoqëror, pa përjashtim social dhe diskriminim, si dhe promovimin e drejtësisë sociale, të konsumit dhe mbrojtjes së punonjësve, përgjegjësi ndaj komunitetit dhe mjedisit.

Qendra për përfaqësim të interesi publik (CPI), ka filluar me Bazën e parë të të dhënave në internet për financat publike dhe web numërues të shpenzimeve publike në Bosnje dhe Hercegovinë, duke i ofruar publikut pasqyrë të informacionit zyrtar mbi realizimin e buxhetit vjetor të shtetit, njësive, nivelin e kantoneve dhe qarkut të Bërçkos për pesë vitet e fundit (2005 - 2010).