Presidenti kroat Ivo Josipoviq mbështeti idenë për themelimin e Komisionit Rajonal për vërtetimin e fakteve për viktimat e luftërave në hapësirat e ish-Jugosllavisë KOMRA.

Iniciativa e të Rinjve për të Drejtat e Njeriut (YIHR) ka kërkuar sqarim nga Ministria e Brendshme e Kroacisë, se me cilin urdhër dhe në përputhje me cilin legjislacion ka filluar hetim të Iniciativës nga ana e policisë kriminale.

Fondacioni Kombëtar për zhvillimin e shoqërisë civile në periudhën nga viti 2004 deri në vitin 2009 ka botuar revistën "Shoqëria Civile" revistë për zhvillimin e shoqërisë civile, si gazetë e vetme profesionale e shoqërisë civile në Kroaci. Për fat të keq, për shkak të ristrukturimit të detyrueshëm të shkaktuar nga ulja e fondeve, Bordi Drejtues i Fondacionit Kombëtar ka marrë vendim për ndërprerjen e përkohshme të publikimit të kësaj reviste deri në kohën kur mundësitë financiare do të jenë më të favorshme.

Me rastin e 15 vjetorit të operacionit ushtarak "Oluja" (Stuhia), i kryer nga forcat e armatosura kroate në gusht të vitit 1995, Iniciativa e të Rinjve për të Drejtat e Njeriut në Kroaci (YIHR) me 5 Gusht, ka vënë pllakë përkujtimore në daljen në veri të Kninit, aty ku para 15 viteve u larguan në kolona refugjatët nga Knini dhe rrethina e tij, disa prej të cilëve përgjithmonë e braktisën këtë zonë.

Pas skandalit me arrestimin e aktivistëve të Pravo na Grad, Zelena Akcija dhe qytetarëve të cilët qëndruan në mbrojtje pasive të zonës së këmbësorëve në Rrugën Varshavska nga planet e HOTO Grupit për ndërtimin e hyrjes në garazhin nëntokësor për projektin "Cvjetni" ,të premten me 16 korrik, ora 18:00, u mbajt protestë në sheshin Ibler në Zagreb. Ursha Raukar, Tomisllav Tomasheviq, Vili Matula dhe Mario Kovaç ishin në mesin e njerëzve që iu drejtuan qytetarëve, disa prej tyre mbanin shirita ngjyrë vjollcë rreth duarve të tyre, si shenjë se ishin ndaluar nga policia të hyjnë në rrugën Varshavska.

Të pakënaqur me punën e Bashkisë së Zagrebit për rastin "Cvjetni", qytetarë dhe aktivistë të Zelena Akcija(Aksioni i gjelbërt) dhe Pravo na Grad (E drejta e qytetit) kanë bllokuar hyrjen e vjetër të sallës së qytetit. Tomislav Tomasheviq nga Zelena Akcija thotë se protestuesit ishin të frustruar "me faktin se Bashkia ska bërë asgjë prej se Prokuroria ka paraqiti qëndrimet e saja për parregullsi në procedurat që i kanë parapri dhënies së lejes për ndërtim në sheshin Cvjetni".

Ekologija.com.hr ka nisur, më 30 qershor, një peticion për ndalimin e plotë të përdorimit të qeseve plastike në Kroaci. Peticionin, të cilin deri më tani ka marrë mbi 1000 nënshkrime, do të jetë në internet për sa kohë do të ketë interes.