По повод тврдењата изнесени во написот „Грција ги плаќа нивните, а во Македонија своите новинари за да помине грчкиот предлог“, објавен во „Вечер“ на 18 декември 2009, во кој се обвинети дека примаат пари од грчката Влада за да лобираат за решавање на спорот за името помеѓу двете држави во полза на Грција, 13 новинари, интелектуалци и граѓански активисти поднесоа тужба, во петок, 22 јануари, против уредникот Драган Павловиќ Латас.

Групата „15 Март“ и движењето Мјафт (Доста) ја почнаа кампањата преку која бараат правда за трагедијата во Грдец, предизвикана во март 2008 година од страна на албанската политика. Кампањата има за цел да изврши притисок врз политичките институции да ја прифатат својата одговорност за трагедијата.

По најновиот случај на сексуална злоупотреба на деца и инцест откриен минатата недела, Првата детска амбасада во светот- Меѓаши бара од одговорните државни институции да ги почитуваат своите обврски превземени со потпишувањето на Конвенцијата за правата на детето.

Првата детска амбасада во светот Меѓаши го обвинува раководството на Домот за деца без родители „11 Октомври“ за неодговорно однесување и негрижа за двете деца кои беа исчезнати минатото лето а едното од нив 23 дена беше држено во заложништво од осудуван педофил.

Транспарентност Македонија, во декемврискиот извештај за борба против корупцијата, бара оставка од Министерот за финансии Трајко Славевски поради пропаднатиот проект „патриотски сметки“ и штетата што со него им е направена на трговците.

Првата детска амбасада во светот Меѓаши, Република Македонија, со намера да ги охрабри децата, родителите, соседите, најблиските, да не молчат за насилството и да го пријавуваат, започнува со кампањата „Види, слушни, кажи".

Мрежата за афирмација на невладиниот сектор МАНС поднесе, минатата недела, кривични пријави против Владан Лаковиќ и Сабро Бузуковиќ, поранешни шефови на полицијата во Улцињ, со обвинение за злоупотреба на службената положба и нечинење во случајот на узурпацијата на јавно земјиште на бреговите на реката Бојана.