Анализата спроведена од Македонското здружение на млади правници (МЗМП) покажува дека по четири години од донесувањето на Законот за слободен пристап до информации од јавен карактер, сеуште се јавуваат проблеми во неговото спроведување.

Парламентот на Албанија едногласно го усвои, на 4 февруари 2010, новиот Закон за анти-дискриминација кој ја забранува дискриминацијата по неколку основи, вклучувајќи ги сексуалната ориентација и родовиот идентитет, со што Албанија влегува во редот на малкуте европски држави кои експлицитно ја забрануваат дискриминацијата по основ на родовиот идентитет.

Советот за радиодифузија на Република Македонија и ЦИВИЛ МЕДИА потпишаа, во четврток, 19 ноември, Меморандум за соработка со кој се официјализира соработката во доменот на јакнење на јавната свест, едукација и развој на електронските медиуми, авторските права и слободата на говорот и се зајакнува соработката на ова Советот со граѓанскиот сектор.

Незадоволни од Предлог-законот за авторски права, вчера претставници од Центарот за развој на медиуми и од електронските медиуми ТВ Канал 5 плус, ТВ А1, ТВ Коха одржаа прес-конференција на која ги изнесоа своите забелешки и мислења за текстот што го изготвува Министерството за култура.

По повод 17 Мај – Меѓународниот ден на СОС линиите за помош и поддршка на децата, Првата детска амбасада во светот Меѓаши објави дека СОС телефонот за помош на деца и млади (0800 12222) примил вкупно 360 повици во 2008 година, а Меѓаши интервенирала во 199 случаи.

Според Истражувањето на ФИООМ за перцепцијата на граѓаните во Република Македонија за остварувањето на правото за слободен пристап до информациите од јавен карактер и оцената на имателите на информации за примената на правото, дури 63 отсто од македонските граѓани не знаат дека постои Законот за слободен пристап до информациите од јавен карактер.

Уставниот суд на Република Македонија вчера, 15 април, одлучи да го укине членот 26 од Законот за основно образование со кој се овозможи воведување верско образвание во основните училишта во Македонија.