Со конференцијата посветена на алтернативниот туризам, одржана на 14 мај во Ресен, започна новиот циклус на проектот „Акција за Европа“, во организација на Фондацијата Институт отворено општество Македонија (ФИООМ) и Македонскиот центар за европско образование (МЦЕО).

Денот на Европа, всушност двата дена на Европа – првиот на Советот на Европа на 5 мај, и вториот на Европската унија на 9 мај, секоја година ја слават идејата за обединета Европа (прочитајте повеќе на Wikipedia). На истиот ден, Европа ја прославува и победата над фашизмот во Втората Светска војна. Овде, на Западен Балкан, првенство му се дава на Денот на Европа на ЕУ, на 9 Мај, и покрај тоа што земјите од регионот се членки на Советот на Европа, додека нивниот напредок кон членство во ЕУ сé уште е во различни фази.

Жозе Мануел Баросо, претседателот на Европската комисија (ЕК), веднаш по превземањето на новиот мандат сака повторно да ја покрене постапката за одобрување на одгледувањето на две контроверзни генетски модификувани култури, дознава агенцијата АФП.

По повод 18 Декември, Меѓународниот ден на мигрантите, мрежата Social Watch го претставува првиот Европски извештај на Social Watch за 2009 година – Мигрантите во Европа како фактор на развојот: помеѓу надежта и ранливоста.

Вчера, 30 ноември, Европската унија донесе одлука дека граѓаните на Македонија, Србија и Црна Гора можат да патуваат без визи во земјите на Шенгенската зона веќе од 19 декември оваа година. Визната либерализација се однесува само на носители на валидни биометриски пасоши, за престој до 90 дена во текот на еден шестмесечен период.

Европскиот Парламент во Брисел денес треба да ја усвои резолуцијата за поддршка на укинувањето на визите за влез во државите на ЕУ за државјаните на Македонија, Србија и Црна Гора, која треба да почне да важи од 19 декември оваа година.

Тања Фајон, известувач на Парламентот за визна либерализација за трите држави од Западен Балкан, го изрази своето задоволство од очекуваната одлука за укинување на визите и подсети дека граѓаните на тие држави се изолирани поради визниот режим на Унијата, како и дека во бивша Југославија имаа поголеми права и слобода на патување.

Мониторингот на известувањето на медиумите во Македонија за Извештајот на Европската комисија за напредокот на европските интеграции во Македонија покажува речиси двојно поголем интерес од лани, што значи дека граѓаните добија многу повеќе информации за главните наоди во Извештајот.