Latest news

Добредојдовте на страната на OneWorld за Југоисточна Европа на Македонски јазик, мрежа на луѓе и групи од целиот свет кои работат на полето на човековите права и на одржлив развој.

Албанија усвои антидискриминациски закон

Mon, 08/02/2010 - 2:34pm

Парламентот на Албанија едногласно го усвои, на 4 февруари 2010, новиот Закон за анти-дискриминација кој ја забранува дискриминацијата по неколку основи, вклучувајќи ги сексуалната ориентација и родовиот идентитет, со што Албанија влегува во редот на малкуте европски држави кои експлицитно ја забрануваат дискриминацијата по основ на родовиот идентитет.

Активисти ја блокираа Варшавска улица во Загреб

Fri, 05/02/2010 - 11:43am

Photo:PIXSELLМинатата ноќ, околу 4 часот, активистите на здруженијата Право на град и Зелена акција воспоставија постојани дежурства во Варшавска улица во Загреб, во обид да ја спречат Групацијата ХОТО да ги почне планираните градежни работи на пристапната рампа до подземната гаража на проектот „Цвјетни“ (порано познат како „Цвјетни пролаз“).

Економско и политичко новинарство во Југоисточна Европа

Wed, 03/02/2010 - 2:50pm

Фондацијата Роберт Бош и Фондацијата Томсон Ројтерс објавуваат дека примаат пријави за тренинг програмата „Економско и политичко новинарство во Југоисточна Европа“ за 2010 година, наменета за новинарите од балканските држави.

Интернет активизам – можност за општествена мобилизација

Thu, 28/01/2010 - 10:57am

Општествениот активизам зависи од степенот на освестеност на граѓаните и нивната меѓусебна комуникација, па интернетот може да биде пресуден како најзначаен и најотворен медиум за масовна комуникација. За разлика од консументите на традиционалните медиуми, корисникот на интернет не е само приемник на информации туку и комуникатор. Иако многумина го користат интернетот за разонода и забава, тој нуди простор и алатки за сите форми на општествено вмрежување, креирајќи го неопходното јавно мислење во Босна и Херцеговина.

Граѓански активисти го тужат „Вечер“ за клевета

Wed, 27/01/2010 - 10:58am

По повод тврдењата изнесени во написот „Грција ги плаќа нивните, а во Македонија своите новинари за да помине грчкиот предлог“, објавен во „Вечер“ на 18 декември 2009, во кој се обвинети дека примаат пари од грчката Влада за да лобираат за решавање на спорот за името помеѓу двете држави во полза на Грција, 13 новинари, интелектуалци и граѓански активисти поднесоа тужба, во петок, 22 јануари, против уредникот Драган Павловиќ Латас.

ЕФФ: 12 трендови за 2010 година

Mon, 25/01/2010 - 11:26am

На почетокот на новата година, уредниците на Фондацијата за електронските граници (Electronic Frontier Foundation), водечка група за заштита на граѓанските слободи во дигиталниот свет, составија листа на дванаесет значајни трендови во законодавната, технолошката и деловната сфера кои, според нив, ќе играат значајна улога во обликувањето на правата на интернет во 2010 година.

Алтернативен извештај за правата на децата

Thu, 21/01/2010 - 1:08pm

Првата детска амбасада во светот Меѓаши, го презентираше Детскиот Алтернативен извештај за состојбата со правата на децата во Македонија, во четврток, 21 Јануари 2010.

Конкорд: Европски семинар за развојната ефикасност на организациите на граѓанското општество

Mon, 18/01/2010 - 11:58am

КОНКОРД Европа го најавува својот Европски семинар за развојната ефикасност на организациите на граѓанското општество (ОГО), во Виена, Австрија, 10-13 март, 2010 година. Рокот за пријавување истекува на 5 февруари, 2010 година.